မိန်းကလေးတစ်ယောက်က သိပ်ပြီး အာကြမ်း၊လျှာကြမ်း၊ နှုတ်သရမ်းတဲ့ မိန်းကလေးမျိုးကို ကျွန်တော်
သဘောမကျဘူး။ ဒေါသထွက်လို့ အော်ဟစ်တာလောက်ကို နားလည်ပေးနိုင်ပေမဲ့ ယုတ်ရင်းကြမ်းတမ်းတဲ့ စကားတွေကို
လွယ်လွယ်ကူကူပြောထွက်နေတာမျိုးကိုတော့ မြင်နေ၊ကြားနေရတာ စိတ်မသက်သာလှပါဘူး။
မိန်းကလေးတစ်ယောက်ရဲ့ တန်ဖိုးဆိုတာကို ဘာတွေနဲ့ တိုင်းတာ သတ်မှတ်ထားလဲလို့ တွေးကြည့်ချင်
လာမိတယ်။ ရုပ်ချောတာနဲ့လား၊ ပညာတတ်တာနဲ့လား၊ ငွေရှိတာနဲ့လား..ဒါမှမဟုတ် အကျင့်စာရိတ္တကောင်းမွန်တာနဲ့
လား။ ယဉ်ကျေးသိမ့်မွေ့နူးညံ့တာနဲ့လား၊ လိမ္မာပါးနပ် သိတတ်တာမျိုးနဲ့လား ဘာတွေနဲ့များ တိုင်းတာပြီးသတ်မှတ်ကြ
လဲဆိုတဲ့ စံချိန်စံညွှန်းတွေကို ကျွန်တော်သိချင်လာမိတယ်။
ကျွန်တော်တို့ မြန်မာမိန်းကလေးတွေက အင်မတန်မှစိတ်ထားနူးညံ့ကြတဲ့ အမျိုးကောင်းသမီးလေးတွေပါ။
အခုတော့ တစ်ချို့တစ်ချို့ သော မိန်းကလေးတွေရဲ့စကားက မြင်ရ၊ကြားရတဲ့လူကို မျက်ခုံးပင့်ပြီး ပါးစပ်အဟောင်းသား
ဖြစ်သွားလောက်အောင်ကို အံ့သြသွားစေတယ်။ ဗုဒ္ဓေါ..မြန်မာအမျိုးသမီးတစ်ယောက်မှ ဟုတ်ပါလေစ..ဆိုတဲ့ အထိတွေး
လိုက်မိတာမျိုးတွေဖြစ်လာပါတယ်။
အခုခေတ်မှာတော့ ကျွန်နဲ့တူသော မယားလောက်အထိတော့ မိန်းကလေးတွေဖြစ်ဖို့မလိုလောက်ဘူးလို့
ကျွန်တော် မြင်ပါတယ်။ ကျွန်တော်အမြင်ကတော့ မိခင်နှင့်တူသောမယား၊ နှမနှင့်တူသောမယား၊ အဆွေခင်ပွန်းနှင့်တူ
သောမယား ထို ၃ မျိုးထဲက တစ်မျိုးမျိုးလောက်တော့ဖြစ်သင့်သည်ဟုမြင်မှတ်မိပါတယ်။
မိန်းကလေးတစ်ယောက်ရဲ့ တန်ဖိုးကိုတောင် ဘုရားရှင်လက်ထက်ထဲက နူးညံ့ငြင်သာမှု၊
ကိုယ့်ကျင့်တရားကောင်းမွန်မှု၊ယဉ်ကျေးသိမ်မွေ့မှုတွေနဲ့ တန်ဖိုးဖြတ်ခဲ့ကြတယ်လို့ ကျွန်တော် ထင်မှတ်မိပါတယ်။
တန်ဖိုးဆိုတာ တကယ်တော့ ကိုယ့်ကိုကိုယ်သတ်မှတ်လို့ရတဲ့အရာတစ်ခုတော့မဟုတ်ပါဘူး။ ကိုယ်ရဲ့
အပြုအမူအပြောအဆို၊ အနေအထိုင်၊ စိတ်နေသဘောထားကိုကြည့်ပြီး အများကသတ်မှတ်ပေးတဲ့အရာတစ်ခုပါ။ ဒါပေမဲ့
ကိုယ့်တန်ဖိုးကိုယ်မြှင့်ဖို့တော့ ကိုယ်တိုင်ကပဲ ဟီရိသြတ္တပနဲ့ ပြုမူနေထိုင်မယ်ဆို ဘယ်လိုလူမျိုးကမှ ကိုယ့်ရဲ့တန်ဖိုးကို
နှိမ့်ချပြီး သတ်မှတ်လို့မရနိုင်ပါဘူး။
မိန်းကလေးတိုင်းကို တန်ဖိုးရှိသောမိန်းကလေးများဖြစ်စေဖို့ အပြုသဘောဆောင်ပြီးရေးသားလိုက်
သည့်အတွက် တစ်စုံတစ်ရာအမှားများပါခဲ့ပါက ခွင့်လွှတ်သည်းခံပေးကြဖို့ ကြိုတင်တောင်းပန်လိုက်ပါသည်။
No comments:
Post a Comment